Вицепремиерот за борба против корупција и криминал, за одржлив развој и човечки ресурси, Љупчо Николовски нагласи дека развојот на Осоговскиот регион станува реалност!
„Со ребаланс на Буџетот за 2021 година, Владата издвои 20 милиони денари кои се наменети за развој на ски центар на Царев Врв.
Изработката на мастер планот за ски центарот вклучува: скенирање на теренот, урбанистички подлоги, дефинирање на траси, пристапи од градови, комунална и патна инфраструктура, истражување на модели за управување, како и анализа на лоцирање на туристичка населба.
Инвестираме во развојот на иднината, го промовираме туризмот и спортот во нашата држава, а следствено на тоа градиме цврста основа за економски напредок и подобар живот на граѓаните“, истакна Николовски.