“После шест години стагнација, ја започнавме процедурата за извоз на македонскиот компир на пазарите во Еропска унија и во трети земји. Ова е еден од нашите приоритети, што крајно ќе влијае врз зголемување на откупната цена на компирот. Ова го потенцирав на средбата со земјоделците од Босилово, регион во кој има вкупно 4 откупни пунктови за компир.“ – вели Љупчо Николовски, Министер за земјоделство , шумарство и водостопанство.
Во следниот период ќе бидат силно фокусирани на добивање на дозволата за извоз на македонскиот компир во ЕУ и во трети земји, велат од Министерството бидејќи Македонија е позната по традиционалното производство на квалитетен компир. Во таа насока, формирана е работна група и во тек се мониторинзи на терен.
