Производителите на сливи денеска мируваат и ги чекаат откупвачите да излезат на терен, но денеска од Штип, Министерот за земјоделство Љупчо Николовски им порача дека сегашниот проблем со откупот е резултат на криминалните и погрешни политики кои претходната власт ги водела изминатите 11 години. Без како што вели тој, да се прави план за договорно производство и каде ќе биде пласирано.
Тој забележува дека оваа година производителите на сливи кои имаат еден до пет хектари добиваат 20 % зголемени субвенции, како и дополнителните пет денари за сливарите и откупувачите. Николовски вели дека сливата во делчевскиот регион се уште не е во состојба да се откупува од страна на откупувачите.
Производителите од Пијанец најавија дека доколку до утре не почне откупот на сливи во овој регион, повторно ќе излезат на протрести и ќе ги радикализираат.
Извор: Телма