Вицепремиерот за борба против корупција и криминал, за одржлив развој и човечки ресурси, Љупчо Николовски посочи дека во овој исклучително тежок и деликатен период работат и се борат за напредок, раст и развој на секој дел од државата.
„Од парче хартија до реализација, градиме модерна патна инфраструктура, ги подобруваме меѓународните конекции, ја храниме економијата и вложуваме во приоритети.
Како дел од значајната Јадранската магистрала, во изминатиот период, активно се гради автопатската делница Скопје – Блаце која ќе овозможи регионално поврзување, поедноставен транспорт и прогресивен економски развој.
Преку развојни проекти, значајни за нашата земја и постојано инфраструктурно вложување, парите на граѓаните ги инвестираме во сигурна, безбедна и подобра иднина“, истакна Николовски.
