Пред само 2 години бевме на работ на граѓанска војна, од држава која беше поделена и изолирана, државата ја доведовме на прав пат и денеска сме светол пример – со овие зборови генералниот секретар на СДСМ, Љупчо Николовски ја отвори денешната граѓанска трибина „На прав пат“ во Гевгелија.
-Ветивме дека државата ќе ја изведеме на прав пат и еве сме, државата е на прав пат. Се остваруваат стратешките цели на државата. Свесни сме дека треба уште многу работа, не очекуваат уште многу предизвици, но сите сме посветени на иднината и доброто за граѓаните. За кратко време ќе бидеме и формално 30 земја членка на НАТО. Нашето знаме гордо се вее пред овие светски безбедносни институции. Останува уште техничка процедура да се заврши, рече Николовски.
После се што направивме со право очекуваме да ги започнеме преговорите со ЕУ за полноправно членство. Го исполнуваме сонот на генерациите да бидеме дел од НАТО и ЕУ.
Тоа е вистинскиот, правиот пат и таа одговороност ја исполнивме, рече Николовски во обраќањето пред гевгеличани.
„ВМРО ДПМНЕ се само за одбрана на криминалот и обнова на режимот, ништо друго не ги интересира. Затоа се против враќањето на парите кај граѓаните, против покачувањето на минималната плата, против социјалната помошт, против интензивното градење патишта“, рече генералниот секретар на СДСМ.
Со месеци се мачеа никаде ги немаше, сега гледаме едвај на маалски средби излегле, ние преку лето тоа го правевме. Нема што да понудат освен обнова на режим и криминал.
Ние продолжуваме по прав пат. СДСМ продолжува да се менува, да креира нови политики во интерес на граѓаните, рече Николовски.