После девет месеци од усвојувањето на Планот за борба против корупција, најголем дел од мерките веќе се имплементирани, порача вицепремиерот за борба против корупција и криминал, за одржлив развој и човечки ресурси, Љупчо Николовски, на денешниот брифинг со новинарите.
Николовски информираше за статусот на реализација на Планот и придобивките од мерките за превенција и сузбивање на корупцијата:
✅ Ставен е во функција систем за Е-инспектор со кој преку елиминирање на човечкиот фактор се намалува ризикот од корупција
✅ Започна со работа системот за поднесување на претставки за непостапување по предмети
✅ Се работи на измена на потребните закони за дигитализација на процесите
✅ Подготвена нацрт верзија на предлог Закон за потекло на имот
✅ Донесена Стратегија за зајакнување на капацитетите на институциите за водење финансиски истраги и конфискација на имот
✅ Се намалува бројот на членови на управни и надзорни одбори во јавни претпријатија и јавни установи
✅ Со буџетот за 2022 се зајакнуваат капацитетите на јавните обвинителства, се ставаат во функција истражните центри
✅ Во функција е Одлуката за ограничување на угостителски услуги за работни состаноци на функционерите
✅ Во функција е Одлуката за ограничување на користење на службените возила
✅ Институциите назначуваат лица за внатрешно пријавување, објавуваат антикорупциски програми, интерни процедури за јавни набавки.
Досегашната реализација на мерките е дополнителен мотив да продолжиме уште похрабро во борбата против корупцијата со нови системски мерки, порача вицепремиерот.