По повод Светскиот ден на пчелите, 20-ти мај, Министерот за земјоделство, шумарство и водостопанство, Љупчо Николовски, присуствуваше во општината Жировница, Република Словенија на свечената прослава за одбележување на овој ден.
Прославата се одржува под покровителство на словенечкиот претседател Борут Пахор.
„Пчелите имаат важна улога во заштита на животната средина и зголемување на приходите во земјоделството. Овој меѓународен ден е само повод заеднички да потсетиме и да ја подигнеме свеста на јавноста дека треба интензивно да работиме на заштитата на овие суштества, континуирано во текот на целата година.“ – рече Николовски.
Инаку, Светскиот ден на пчелите, 20-ти мај, е прогласен минатата година од страна на Генералното собрание на Обединетите нации.