Дечињата од Крива Паланка од ранливи категории семејства годинава ќе се израдуваат на новогодишните празници и ќе добијат новогодишни пакетчиња благодарение на хуманиот гест на вицепремиерот за борба против корупција и криминал, Љупчо Николовски.
Николовски и оваа година како и претходните 3 години ги донираше дневниците од странство што му следуваа во текот на претходната година на Црвен крст Крива Паланка и кои ќе бидат наменети за новогодишни пакетчиња за децата од социјално загрозени семејства.
„Многу ни е драго што оваа година не избравте нас, сите наши волонтри на вашата адреса изразуваат само позитивни критикии со искрена почит.
Целосно ја подржавте нашата мисија и визија“, стои во соопштението на Црвен крст Крива Паланка.
Црвен крст Крива Паланка упати огромна благодарност до вицепремиерот Николовски.
„Ви благодариме за посетата и подршката, ова е навистина непроценливо.
Нека овој хуман гест, го следат и препознаат и останатите наши сограѓани.
Секогаш сме таму каде што е најпотребно!“, се вели во соопштението на Црвен крст Крива Паланка.