Над 20.000 членови го ажурирале своето членство во СДСМ за првите 10 дена, информираше генералниот секретар на партијата Љупчо Николовски.
„Задоволни сме од транспарентноста, демократскиот капацитет и начинот на којшто се реализираа оваа акција, почитувајќи ги сите мерки за заштита на здравјето“ – рече Николовски кој денеска заедно со потпретседателот Оливер Спасовски, во Кочани, го следеа овој процес и истовремено поразговараа со граѓаните, членовите и симпатизерите на СДСМ.
„СДСМ – Социјалдемократски сојуз на Македонија се менува, за уште подобро да им служи на граѓаните.
Оваа порака им ја упативме и на граѓаните од македонскиот исток и задоволен сум што позитивно гледаат на овие промени во СДСМ. Благодарни сме на поддршката од граѓаните, тоа е наш мотив да продолжиме по вистинскиот пат на реформи.“ – вели Николовски.
