Денешнава прес конференција ја свикавме затоа што во моментов имаме и состанок со ловечката федерација, како што знаете и добро сте запознаени на последната владина седница се донесе одлука, задолжување за неколку институции за преземање на превентивни мерки за спречување на ширење на болеста африканска чума , која што ја има во соседните држави и која што е погубна за и за која во моментов ниту има вакцина ниту и нема начин да се спречи. – велат од МЗШВ.
Во Република Северна Македонија, досега нема регистрирано ниеден случај на болеста африканска чума, домашните свињи се здрави и свинското месо е безбедно за јадење. Затоа се преземааат сите овие превентивни мерки за да не дојде до појава на африканска чума, и РСМ е единствена земја којашто превентивно презема поригорозни мерки за спречување на појава на оваа болест којашто е погубна не само за сточниот фонд , туку и за дивите свињи и за целокупната економија.
“Сакаме да ве информираме дека, денеска е во тек состанок со ловечката федерација, кој ќе го продолжиме по пресот. како што знаете на владината седница беше донесена одлука за превентивни мерки, кои ги преземаме за заштита од африканска чума, каде се вклучени неколку министерства, од која последиците ги знаеме, а тоа е уништување на сите свињи.Интервенција и превентива се основни задачи на кои се фокусираме” – изјави министерот Димковски.