Министерот за внатрешни работи Оливер Спасовски, денеска се приклучи на крводарителската акција организирана од Амбасадата на САД.
-Денеска се приклучив на крводарителска акција во просториите на Амбасадата на САД организирана во рамки на одбележувањето на Американскиот Национален ден на служба и сеќавање, а во чест на жртвите, преживеаните и сите оние кои помогнаа во справување со последиците од терористичките напади на 11 септември, истакна Спасовски.
Одбележувањето на Националниот ден на служба и сеќавање почна во 2002 година, во чест на жртвите, преживеаните и сите оние кои помогнаа во справувањето со последиците од нападите на 11 септември. Во 2009, Конгресот на САД усвои сојузен закон со што го прогласи 11 септември за Национален ден на служба и сеќавање.