Министерот за земјоделство, шумарство и водостопанство, Љупчо Николовски од денеска е во тридневна официјална посета на Загреб, Република Хрватска.
Во рамки на посетата, македонскиот министер ќе присуствува на конференцијата за Платежната агенеција на Р.Хрватска, на која што ќе учествуваат директорите на Платежните агенции од Босна и Херцеговина, Албанија, Црна Гора и Србија.
Исто така Николовски ќе има и билатерална средба со министерот за земјоделство на Р.Хрватска, г-дин Томислав Толушиќ, на која што ќе започне ново поглавје во трговската размена со земјоделско-прехрамбени производи помеѓу двете земји.