На денешната Тркалезна маса за земјоделство и рурален развој на Западен Балкан, што се одржа во Сојузното министерство за храна и земјоделство во Берлин, а организирана од Постојаната работна за регионален рурален развој –SWG, министрите разговараа за процесот на евроинтеграции на земјите кандитати за членство во Европската унија.
На тркалезната маса на која што присуствуваа министрите од Западен Балкан, министерот за храна и земјоделство на Сојузна Република Германија, Кристиан Шмит, порача дека обврска и должност на Европската унија, е земјите кандидати што побрзо станат членки на ЕУ.
Од македонска страна, министерот Љупчо Николовски, посочи дека стратешките цели на Владата на Република Македонија, се токму членството во Европската унија и во НАТО, за што работиме на интензивна реформска агенда. Во областа на земјоделството, тоа е зајакнувањето на Платежната агенција преку која се реализира европската ИПАРД Програма.
