На вториот ден од посетата на Загреб, министерот Љупчо Николовски заедно со директорот на Агенцијата за храна и ветеринарство, Зоран Атанасов, беа во посета на фабриката “Агропротеинка”, која се занимава со управување на системот за собирање на нуспроизводи од животинско потекло, а кои не се за исхрана на луѓето.
Од преработката на нуспроизводите се добива топлинска енергија, биодизел и протеини за исхрана на животните.
Менаџментот на фабриката го запозна министерот со моделот на функцинирање на целиот процес, но и за улогата на државата во овој систем.
Функционалното управување на сите нуспроизводи од животинско потекло претставува нешто што и Европска унија го бара од нас како држава, на што во периодот што следува ќе посветиме внимание за воспоставување на истиот систем во Република Македонија.
