Министерот за земјоделство, шумарство и водостопанство, Трајан Димковски денеска оствари средба со Мехмет Тинџ, заменик министер за земјоделство и шумарство на Република Турција.
-На денешната работна средба со заменик-министерот за земјоделство и шумарство на Република Турција, г-дин Мехмет Тинџ, и со претставници на здружението на извозници и бизнисмени од Република Турција, разговаравме за актуелните политики на двете држави во земјоделството како и помошта која ја нудат на приватниот сектор. Се согласивме дека е потребно формирање на земјоделски комитет помеѓу двете министерства кој на техничко ниво ќе може да носи мерки за олеснување на трговијата, размена на искуства како и зголемување на соработката на двете држави,изјави Димковски.
Заменик министерот за земјоделство и шумарство на Република Турција потенцираше дека Република Северна Македонија има потенцијал да го зголеми извозот во Република Турција и за таа цел ќе се работи на олеснување на административните процедури и зголемување на инвестициите од Република Турција во Република Северна Македонија.