5 мај 2015 година, пред седум години во јавноста излегоа разговорите поврзани со обидот за прикривање на убиството на Мартин Нашковски, истакна од собраниската говорница вицепремиерот Бојан Маричиќ.
„Вечерта после тоа имаше масовни протести пред Владата, а полицијата под контрола на ВМРО-ДПМНЕ на двајца ваши поранешни министри кои ја контролираа полицијата во тоа време Јанкуловска и Чафков ги испратија специјалците да ги тепаат пред владата, и ги испратија да ги тепаат луѓето во библиотеката, да тепаат студенти и млади луѓе во библиотека. Тоа е вашиот извештај за поглавје 24 од времето кога вие владеевте во државата“, рече Маричиќ.
Тој потенцира дека по прв пат во историјата на државата се извршени и конфискации и заплени на нелегално стекнат имот.
„Денес е многу поразлично и покрај сите проблеми, системот се справува со овие случаи на вистински начин како што треба. По прв пат кај нас во РСМ се извршени и конфискации и заплени на нелегално стекнат имот по прв пат во историјата на државата. Сите овие проблеми кои ги наведувате ние со месеци се обидувавме и се обидуваме да ги решиме на вистински начин по толкување на судот и доколку се потребни законски измени сме спремни да ги направиме законските измени и да видиме како ВМРО-ДПМНЕ ќе се постави кога ќе дојдат законските измени за подобра и поефикасно конфискување на имотот пред пратениците и да видиме како вие ќе гласате кога ќе дојде ред за тоа да се гласа“, истакна Маричиќ.