Ние не сакаме да се мешаме во политичките збиднувања на други држави, но без разлика дали ќе се смени власта во Унгарија, нашите судови го бараат Никола Груевски за издржување правосилна казна затвор, рече министерот за правда Бојан Маричиќ, во гостувањето на „Утрински брифинг“.
-Без разлика дали таму ќе се смени власта ние очекуваме и пред да се смени и ако воопшто се смени да го добиеме Груевски на издржување на казната затвор. Треба конечно свесно да работиме на развој на судскиот систем и како што ние не сакаме да се мешаме во внатрешните работи, така не сакаме да ни се мешаат и нас. но тој е во бегство три години и повеќе, а дали и кога тоа ќе го сторат унгарските власти е нивно. Нашите судови го бараат за издржување на затворската казна, истакна Маричиќ.