Министерот за информатичко општество и администрација Дамјан Манчевски денеска во Основниот суд Скопје 1 сведочеше за насилствата и тепањето во прес-салата на 27 април минатата година.
Манчевски го опишал претепувањето на Села, и според неговите зборови, тепачите прогласиле дека Села е мртов, почнале да слават и да извикуваат дека следен е Заев, за кого правеле јамка да го бесат.
„Не знам поединечно кој од нив што му направи на Села, но знам мене што ми направија. Најагресивниот од сите, со рана на главата и крв на телото не е меѓу обвинетите 10-мина”, рече Манчевски.