„Официјалните податоци потврдуваат: економијата и животниот стандард се на прав пат! Според последните информации просечната плата во август 2019 година е зголемена за 3,8 проценти и сега изнесува 25.127 денари. Ова е последен од низата позитивни показатели за успешноста на економските политики на СДСМ и Владата што ја предводи. Платите растат во континуитет“, вели денеска Костадин Костадинов, портпарол на СДСМ и пратеник.
„Ваквиот раст на прoсечената плата се должи на стабилната економија, но и на растот на минималната плата, која за нешто повеќе од две години порасна за 5.500 денари“, посочува Костадинов.