Прес конференција, М-р Александар Кирацовски, дополнителен заменик министер за администрација и информатичко општество.
Апелирам, бидејќи денеска во Собранието на Р. Македонија е иницијативата што ја покренав за одложување на оценувањето на администрацијата, преточена во измени на закон:
Сите пратеници, и од власта и од опозицијата да го прифатат Предлог законот за изменување на законот за административни службеници!
Пратениците ги претставуваат граѓаните и тие се должни да работат во нивен интерес.
Во овој момент, нема поголем интерес за граѓаните на Македонија, од регуларен предизборен и изборен процес.
Порачувам дека секој глас против овој закон од страна на пратениците, ќе биде глас за партиски притисоци врз администрацијата од страна на власта на ВМРО-ДПМНЕ.
Посебно што оценувањето треба да се спроведе до крајот на декември, значи токму во предизборниот период и посебно што шефови и раководители од власта го имаат главниот збор со кој службеникот треба да биде избркан од работа или казнет со намалена плата за период од половина година.
Ова е недозволиво и спротивно на заложбите за фер, регуларни и кредибилни избори.
Повикувам на сериозност во Собранието на Р. Македонија и одложување на оценувањето до крајот на 2017 година! Дотогаш ќе се направи широка јавна расправа за тоа како да имаме мотивирана, а не казнувана администрација.
Притисоци, закани, уцени врз вработените во администрацијата не дозволувам!
За поврзани вести продолжете надолу