Паричката оваа Бадникова вечер се паднала кај премиерот Зоран Заев.
Неговата ќерка Александра Заева сподели фотографија на Инстаграм, на која премиерот Зоран Заев ја покажува паричката што му е паднала во лепчето.
Според верувањата паричката на премиерот ќе му донесе среќа и бериќет во текот на целата година.
Инаку Заев во денешната честитка посака да се исполниме со радост и надеж и да ги празнуваме Бадник и Божик како одговорни граѓани на безбеден начин без при тоа да ги загубиме меѓусебната љубов, блискост и поврзаност.
„За многу години Бадник, празникот во предвечерието на големиот христијански ден Божик – рождество Христово.
Денеска сите патишта водат кон домот за да се собереме во семејствата со најблиските и сите заедно да ја слушнеме ангелската песна и зборовите „Слава на Бога во висините и мир на земјата“, во добрата вест што го најавува раѓањето на Богомладенецот Христос. Честит Бадник!“ – порача Заев.