Поранешниот претседател Ѓорге Иванов преку соопштение реагира на прес-конференцијата на Антикорупциската Комисија од каде денеска побараа од Службата за општи и заеднички работи (СОЗР) на Владата да го раскине договорот за закуп на просториите на поранешниот претседател Ѓорѓи Иванов и да му додели канцеларии во државна сопственост.
Во соопштението од Иванов, проследено со Договорот за закуп се вели дека Антикорупциската Комисија изнесла невистини и свесно се обидела да манипулира со јавноста.
„Од договорот, јасно се гледа дека висината на закупнината на целосно опремен простор изнесува 1.950 евра месечно, а не како што денеска беше прикажано дека е 4.500 евра“, .
пишува во соопштението испратено од поранешниот претседател Иванов
Од Антикорупциска не им е јасно што демантира екс-претседателот Иванов со оглед дека и тие денеска соопштија дека Договорот за закуп изнесува 1950 евра, но со комунални трошоци, тој достигнува 4.500 евра а со оглед дека тоа се многу високи средства што се издвојуваат од џебот на граѓаните, тие побараат СОЗР да го раскине Договорот и да му обезбеди простории за канцеларија во државна сопственост.
Освен киријата од 1.950 евра, за поранешниот претседател се исплаќаат и плати за тројца вработени, се подмируваат комуналните сметки, му следува службено возило и возач чие комплетно одржување се плаќа од Буџетот, а претседателот има пензија во висина од месечната плата. Сите овие привилегии важат доживотно.
Антикорупциска побара да бидат укинати и овие привилегии на поранешните претседатели предвидени со Законот за правата на претседателот и неговото семејство по завршувањето на функцијата.
Инаку, по завршувањето на мандатот, Иванов закупи канцелариски канцеларии во зградата на Џеваир од 274 метри квадрати.
Целиот текст прочитајте го на 360 степени.