Во ковид-центрите низ земјава во изминатите 24 часа е пријавено дека се лекуваат вкупно 419 пациенти позитивни и сомнителни на коронавирусот, а заедно со ковид-пациентите на инфективните оддели во Скопје (263), вкупно се хоспитализирани 682. Има околу 360 празни болнички кревети, соопшти Министерството за здарвство.
Во болницата во Битола се хоспитализирани 30 пациенти, 32 во Штип, 17 во Тетово, 25 се лекуваат во Велес, 65 во Куманово, 56 во ковид-центарот во Охрид, 75 во Прилеп, шест пациенти во Гостивар, по 19 во Струга и во Струмица. Во Кочани се хоспитализирани седум, осум ковид-пациенти има во Кичево, 42 во Кавадарци, пет во Гевгелија и 13 во Дебар.
Министерството за здарвство напоменува дека бројот е променлив зашто во текот на денот се прават и исписи на оздравени пациенти со што се ослободуваат дополнителни легла.
Сите одделенија на клиничките болници располагаат со болнички места до кои има довод на кислород, информира Министерството и наведува дека доколку има потреба одделенијата ќе бидат дополнително проширени.