Брисел се огласи со честитка за референдумскиот исход и очекување сите политички лидери да го почитуваат и спроведат изјаснувањето на граѓаните кои гласаа, во интерес на земјата.
Им честитам на оние кои гласаа денеска на консултативниот референдум и ги искористија своите демократски слободи. Со значајниот глас „За“ има широка поддршка за Договорот од Преспа и за евро-атлантската иднина на земјата. Сега очекувам сите политички лидери да ја почитуваат оваа одлука и да ја преземат со голема одговорност и единство преку партиски линии, во интерес на земјата, напиша eврокомесарот Јоханес Хан на Твитер.