Поранешниот премиер Никола Груевски повторно си замина од Собранието на Македонија, каде што во секој момент треба да почне седницата за уставни измени. Другите пратеници негови сопартијци и натаму се во Собранието и чекаат да започне седницата, пренесува ТВ 21.
Собраниската седница на која треба да продолжи расправата за пристапување кон уставни измени иако беше најавена за 15 часот, се уште не е започната и не се знае кога и дали воопшто ќе започне.
Според информациите од Собранието, во зградата се уште е премиерот Зоран Заев кој пристигна околу 12 часот за кога првично беше најавено продолжението на оваа седница.