Владина делегација составена од премиерот Зоран Заев и Министерот за здравство, Венко Филипче, денеска присуствуваа на отворањето на новиот Ургентен центар во Општата болница во Куманово, објект кој е изграден од темел.
„Го отворивме новиот Ургентен центар во рамки на општата болница во Куманово, кој за граѓаните од овој регион значи дека ќе добиваат најсовремени и квалитетни здравствени услуги.
Пациентите ќе добијат високо квалитетна здравствена услуга, а медицинскиот персонал ги има сите потребни услови за работа и функционирање, како и нова медицинска опрема. Ќе се практицираат современи методи за дијагностицирање и ефикасно лекување на пациентите, со што се подигнува квалитетот на Општата болница Куманово.Граѓаните и нивната благосостојба ни се врвен приоритет.“ – рече премиерот Заев на отворањето.
„Секој пациент заслужува подобра здравствена заштита, а вработените европски услови за работа. Вложуваме во унапр едувањето на квалитетот на јавното здравство. На персоналот во Ургентниот центар им посакувам успешна работа“, посочи Филипче.
