Обвинителката од СЈО Фатиме Фетаи по наредба на Специјалната обвинителка Катица Јанева била два пати претресувана при влез на своето работно место во СЈО, на што бурно реагирала, дознава САКАМДАКАЖАМ.МК.
-По вториот претрес, обвинителката Фетаи првин луто гледаше во безбедносната камера, која е поврзана со канцеларијата на Јанева. Беше многу навредена. Потоа ја плукна камерата и рече: ’Пу, јаз’к!‘“, тврдат за САКАМДАКАЖАМ.МК очевидци на настанот.
Фетаи потоа се стрчала горе во нејзината канцеларија да бара објаснување зошто Јанева ги понижува обвинителите и вработените во СЈО на ваков начин. Но, не ја нашла. По извесно време пак отишла кај неа, но наишла на затворена врата. Секретарката не ја пуштила внатре.
Фетаи за медиумите рече дека одбила да биде претресувана бидејќи е обвинител, а не осомничена.