Ние од наша страна продолжуваме да ги поддржуваме големите напори на господинот Заев, продолжуваме да ја поддржуваме потребата за зачувување на моментумот на Договорот од Преспа, бидејќи сметаме дека е штета да се изгуби големата шанса за да се реши едно прашање што го измачува Балканот околу 30 години, рече портпаролот на грчката Влада и министер без ресор Димитрис Ѕанакопулос, на денешниот редовен брифинг со новинарите.
– Зборот сега го има Собранието на ПЈРМ и се надеваме дека иницијативата на Владата на господинот Заев за уставна ревизија ќе заврши успешно. Од наша страна потенцираме дека продолжуваме тесно да ги следиме случувањата и ја поддржуваме иницијативата на господинот Заев, со главен критериум зачувување на моментумот од Договорот од Преспа, рече Ѕанакопулос.