Скенирајте ги фискалните сметки и вратете 15 % од платениот ДДВ на вашите трансакциски сметки, а истовремено придонесете за намалувањето на сивата економија, порача денеска директорката на Агенцијата за вработување, Билјана Јовановска која вели дека мерката МојДДВ придонесува за зголемување на средствата во буџетот, а со тоа и можност за отворање на нови работни места!
Јовановска ги повика граѓаните кои досега не ја симнале апликацијата МојДДВ, да не ја пропушаат можноста да го остварат правото на поврат на дел од платениот ДДВ.
-Апликацијата е едноставна за користење. Забележувам дека многу од граѓаните фискалните сметки ги скенираат веднаш по купувањето, токму поради тоа што апликацијата е функционална и брза за користење, истакна Јовановска.
