Ние како Демократски сојуз го поддржуваме концептот на една изборна единица. Се лиферуваат одредени бројки дека ако имало една изборна единица СДСМ и ВМРО-ДПМНЕ ќе изгубеле по 2 пратеници, а ДУИ 1. Во суштина најголемите 2 партии ќе изгубат по 15 пратеници. И тие се плашат од 1 изборна единица, па дури и СДСМ иако јавно вели дека го поддржува овој изборен модел, изјави генералниот секретар на Демократски Сојуз, Зоран Димитровски.
-Стравот кај големите партии од една изборна единица постои. Мислам дека и СДСМ се плаши од 1 изборна единица, бидејќи таа коалиција која ја има сега ќе биде потешко да се реализираат, поголема преставеност има во парламентот кога има 1 изборна единица, и нема да се губат гласови, вели Димитровски додавајќи дека сепак потребен е прво попис во државата, па потоа да се размислува за изборниот модел.