Нашата задача е да ставиме точка на бегањето од правда, порача Никола Димитров, носител на листата во Изборна едница 1 во вечерашниот ТВ дуел на Канал 5 ТВ со противкандидатката од ВМРО-ДПМНЕ Гордана Силјановска.
-Или ќе создадеме европски услови за живот дома или граѓаните ќе продолжат да си бараат европски начин на живот, напуштајќи ја татковината во Италија, Германија итн. Мојата мисија не е завршена. Во овие три години направивме целосен пресврт во клучни области. Во СДСМ, гледам единствена надеж и одлучност да си ја ставиме земјата на шините што одат напред. Сметам дека другата опција замаглува и го отежнува овој процес“,истакна Димитров.
Тој вели дека направиле атмосфера каде Владата го слуша гласот и каде се третира невладиниот сектор како колектив.
-Мислам дека е време сите ние како граѓани да научиме да следиме идеја и визија, смета Димитров.