Дијабетичарите во Македонија со месеци се соочуваат со недостиг на основни лекови и медицински помагала.
Многумина од нив се принудени да ги купуваат со свои средства или да ги делат помеѓу себе, со што се зголемува ризикот од компликации како хипогликемија, гангрена или слепило.
Според пациентите и здруженијата што ги застапуваат, недостигот опфаќа инсулински помагала, глукометри, тест‑ленти и други клучни производи, објави 4news.mk Некои типови терапија на рецепт во одредени периоди воопшто не биле достапни, што укажува на системски проблем во снабдувањето и распределбата на лековите.
Здруженијата алармираат дека ваквата состојба ги доведува дијабетичарите во ризична ситуација, бидејќи редовната терапија е клучна за одржување на нормалните нивоа на шеќер во крвта и спречување на сериозни здравствени последици, како што се хипогликемија, гангрена, слепило или други хронични компликации.