„Со објавувањето на техничкиот дијалог за коагулациони фактори наменети за лица со хемофилија се прави чекор во досегашниот третман кој не беше променет повеќе од една деценија“ – стои во соопштението од Здружението за лица со хемофилија, фон вилебранд и ретки коагулопатии „Хемолог“ на РМ.
„Многу сме среќни и јавно се заблагодаруваме на Министерството за здравство, Министерот Венко Филипче, Државниот секретер Владимир Милошев и Институтот за трансфузиона медицина за слухот и разбирањето кое го покажаа за подобрување на третманот на лицата со хемофилија во земјава.“ – додаваат оттаму.
„Со новиот тендер не само што ќе се зголемат количините на лекови туку и ќе се добие подобар квалитет кој ќе ни загарантра поголема безбедност од вирусни инфекции. Повторно мораме да искажеме јавна благодарност што баа слушнати нашите сугесиии за подобрување на третманот, а со тоа и квалитетт на живот на лицата со хемофилија, Се надеваме на натамошната соработка и дека оваа ќе помине во најдобар ред и без одолговлекувања со што би се обезбедил континуитет во третманот на овие лица.“- велат од здружението.