Марко Бислимовски, претседателот на Регулаторната комисија за енергетика, во вечерашното гостување во “Топ тема” на Телма телевизија, запрашан за коментар во врска со зголемената акциза на нафтата за 3 денари, со коментар:
“Зголемените акцизи ќе траат до крајот на годината, односно како ќе расте цената на нафтата на светските берзи така ќе се намалува и акцизата. Доколку го достигне нивото од 8 јануари оваа година, во тој случај акцизата ќе биде иста како што била и претходно. Да не правиме фама дека со акцизата ќе настане драматично пореметување на нашиот пазар, дека ќе се зголемат екстремно трошоците на сите, или дека можеби ќе им инфлација” – изјави Бислимовски.
Во ондос на тоа за колку е намалена потрошувачката на нафтените деривати, Бислимовски со проценка:
“Ова е еден краток период и според нашите комуникации што ги имаме со компаниите коишто имаат малопродажба, бидејќи таа е најпогодена во овој момент, потрошувачката е намалена за приближно 40% и врз основа на оваа намалена потрошувачка од 40% се намалени и приходите во буџетот. Приходите според анализите што ги слушаме во споредба со истиот период минатата година се намалени за 10-15 милиони евра. Но, исто така има и дополнително намалување поради драстичното намалување на цените и на бензините и на дизелот како репер. На 30 декември сме имале цена на дизелот 63 денари, денес и со зголемена акциза е 46,5 денари. Тогаш сме имале и цена на бензинот-98 70,5 денари, а денеска имаме 54 денари. Имаме сериозно намалување на цените. Такви беа случувањата на светските берзи и ние со нашата методологија тоа го ефектураме во нашите цени.
Граѓаните да бидат сигурни дека нашата методологија е иста како методологиите што се применуаваат во сите земји каде што се регулира нафтата, а такви се мал број на земји како на пример Словенија. Во сите останати земји во регионот овој бизнис е либерализиран. Цената на нафтените деривати во нашата земја е убедливо најевина, конкретно некаде цената на дизелот е 0,75 евроценти споредено со Албанија каде изнесува 1,34 евроценти што е за 36 ден повисока цена, додека во Србија е 1,25 евроценти, а во Бугарија е околу 1 евро” – истакна Бислимовски.