Во рамки на соработката со Царината на Косово на денешната средба со генералниот директор Бахри Бериша беше договорено интензивирање и продлабочување на размената на информации во врска со потеклото на стоките, вредноста на стоките и воспоставување на заеднички профили на ризик.
Интензивирањето на размената на информации ќе биде зајакната и со воведување на заеднички контроли за проверка на потеклото на стоките од двете царински служби на територијата и во Република Северна Македонија и во Косово.
На средбата беа договорени и низа на активности за олеснување и забрзување на движењето на стоки и патници во рамки на ЦЕФТА договорот за слободна трговија.