Министерот за финансии, Фатмир Бесими, во своето вечерашно гостување во емисијата „Економски магазин“ на Алсат е оптимист дека земјата ќе има стабилизација, односно економски раст. Во врска со ова, тој апелираше деловниот сектор да инвестира, да ја зголеми економската активност и да ги зачува работните места.
„За да биде појасно, нашите проекции се засноваат на проекциите на меѓународните институции како што се Монетарен фонд, Светска банка и Европската комисија за предвидувањата за 2021 година. А, предвидувањата беа дека од вториот квартал, а особено од втората половина на 2021 година ќе има нормализиран економски развој со зголемена динамика. Ова се исто така наши основни проекции и она што го предвидовме 4,1 процентен економски раст, со алтернатива ако сценариото е песимистичко. Ние ќе продолжиме да имаме такви проекции и да го базираме на аспектот на сценариото дека ќе имаме стабилизација, односно економски раст“, изјави Бесими.