Наспроти иницијативата на Дипломатски клуб за преименување на скопскиот аеродром од „Александар Велики“ во „Киро Глигоров“, која му се допадна и на премиерот Зоран Заев, албански интелектуалци го предлагаат името „Али Ахмети“, тврди весникот „Љајм“.
„Во албанските интелектуални кругови беше презентирана иницијативата за аеродромот во Скопје да биде именуван по претседателот на ДУИ, Али Ахмети. Според нив, со тоа би бил ценет неговиот придонес за економската профитабилност на скопскиот аеродром, бидејќи за време на Владата на ДУИ илјадници и илјадници Албанци го напуштиле својот роден град преку скопскиот аеродром“, пишува „Љајм“.