Одлуката за коалицирање со Беса, СДСМ ја донесе врз основа на партискиот концепт кој се залага за моќна заедничка држава и нема за цел елиминирање на албанското политичко организирање, вели во вечерашното гостување во емисијата „Патот кон“ на Алсат, Едмонд Адеми од СДСМ.
„Одлуката за коалицијата со Движењето Беса треба да се сфати во рамките на политичките процеси и концептот кој го промовира СДСМ. Концептот на коалицијата, СДСМ заедно со Беса и другите партии дел од коалицијата е во насока на една моќна, демократска, заедничка држава за сите без разлика на етничката припадност“, одговори Адеми на прашањето кој бил главниот мотив за коалиција со Движењето Беса.