По повод Лазарова сабота и претстојните велигденски празници, денеска, во малиот парк спроти „Глобал“ се одржа хуманитарен велигденски хепенинг, а во организација на Центарот за поддршка на лица со интелектуална попреченост „ПОРАКА“ од Струмица. На хепенингот беа претставени ракотворби, украси, кошнички за јајца и други креации со велигденски мотиви изработени од децата и младинците членови на овој Центар, дел од членовите и на лице место бојадисуваа јајца.
На хепенингот присуствуваше и претседателот на Советот на општина Струмица, Јосиф Христов, кој купи дел од понудените производи со што ја потврди својата хуманост.
Средствата собрани од продажбата ќе бидат искористени за опремување на социјалниот клуб на „ПОРАКА“ со потребните дидактички материјали за работа.
