Утре во „Europe House“ во Крива Паланка ќе се одржи Ревијален концерт на младата и талентирана пијанистка Ева Николова, ментор Лариса Жулина Митовски.
Ова е прв самостоен пијано концерт на Николова, која инаку има бројни успешни настапи од домашен и меѓународен карактер.
За нејзината посветеност и талент сведочат бројни награди и признанија во текот на изминатите години.
Кривопаланечката публика ќе има можност да ужива во пијано композициите од светски врвни композиторски имиња во изведба на пијанистката Николова.
Концертот е со почеток во 14:30 часот, а влезот е бесплатен.