Програмата на Џојфест започнува во 20:00 часот со настап на Трио Фаст, Saygon, Fiction, Тони Зен и Флека, КИ, The Three Of Us.
Носител на Фестивалот ќе биде музичката легенда со неверојатна техника за свирење гитара Влатко Стефановски Трио и за разлика од минатите години сега како главна звезда на вечерта нема да настапи на крај туку, својот настап ќе го започне во 21:30 часот.
Поранешниот член и еден од основачите на групата „Леб и сол“со неговиот препознатлив стил на музика, етно, рок, џез и блуз ќе ги забавува присутните на фестивалот.
-На 31 август JOYFEST ќе биде севкупна културна детоксикација за сите, од 18 часот, Влатко Стефановски во големата сала на општина Крива Паланка ќе одржи мастер клас по гитара за 40 до 50 млади луѓе, вљубеници на оваа музика, изјави уметничкиот директор на JOYFEST, Александар Михајловски.
