Две лица се приведени од страна на македонската полиција во Тетово, откако на дело биле фатени со дрога.
Во 17.00 часот на улица „Илинденска“ во Тетово полициски службеници на Секторот за внатрешни работи Тетово запреле патничко моторно возило „Мерцедес“ со скопски регистарски таблици, управувано од 21-годишниот А.Д. а во кое како сопатник бил и 27-годишниот Ш.П. од Дебар.
При нивен и преглед на возилото, зад возачкото седиште и во багажникот биле пронајдени три вреќи со марихуана со вкупна тежина од околу 20 килограми, кои биле одземени и дадени на вештачење.
Двете лица биле лишени од слобода и задржани во Полициската станица Тетово и по целосно документирање на случајот, во текот на денот, со соодветен поднесок ќе бидат изведени пред судија во претходна постапка на Основниот суд Тетово.