Директорот на Царинска управа Горан Сугарески, денес оствари работна посета на царинската испостава Кавадарци. Во рамки на посетата се запозна со оперативните капацитети и потреби во склоп на оваа царинска испостава.
ЦИ Кавадарци е во состав на царинарница Гевгелија и по број на вработени е мала испостава која работи исклчиво стоков промет односно постапки на увозно и извозно царинење. Заради својата местоположба и природата на своето работење е многу значајна. Овој регион во Република Северна Македонија има многу долга традиција во производство на вино и ракија. Оттука ЦИ Кавадарци е една од клучните испостави за извоз на вино со најголемиот извозник на вино од нашата држава ВВ Тиквеш Кавадарци. Исто така оваа испостава е многу значајна и за извозот на тутун со најголемиот извозник на тутун кај нас Алајанс Уан.
Покрај тоа од друга страна на територијата на ЦИ Кавадарци има и големи стопански субјекти и затоа е значајна испостава за спроведување на царинските постапки при што претежно е извозно ориентирана, а увозно најмногу се царинат суровини, репроматеријали, машини и опрема. Увозно – извозните постапки најчесто се за големи индустриски капацитети како што се ДММ ДРЕКСЛМАЈЕР Македонија и ИГМ-Трејд, компании кои имаат и одобрение за ОЕО.
Како поддршка, помош и контрола на овие големи капацитети со оглед на тоа што сите од нив користат најразлични поедноставени царински постапки, во склоп на ЦИ Кавадарци има и дел од службата за надзор на иматели на одобренија (СНИО) при царинарница Гевгелија.
