Вкупно 502 возачи се казнети, бидејќи се движеле со брзина поголема од дозволената. Од сообраќајот се исклучени 98 возачи, поради тоа што го управувале возилото под дејство на алкохол. Вкупно 56 возила се исклучени од сообраќај, бидејќи биле нерегистрирани.
Санкционирани се 17 возачи, бидејќи поминале крстосница на црвено светло, тројца неправилно се престроиле, а еден неправилно престигнувал. Еден возач не дал првенство на минување на пешаци, а тројца не дале првенство на минување на возила. Казнети се двајца пешаци, кои поминале коловоз на црвено светло. Во текот на изминатите денови издадени се 144 мандатни платни налози, а 26 возила се кренати со „пајак”, соопшти МВР.