Скопското основно јавно обвинителсто поднесе предлог за задолжително психијатриско лекување и чување во здравствена установа за човек кој со нож го убил својот брат во семејната куќа во селото Чајлане.
Според податоците од Обвинителството, напаѓачот во вечерните часови на 31 декември, во домот во селото Чајлане, Сарај, во состојба на непресметливост поради параноидно растројство, извршил семејно насилство и со умисла го убил сопствениот брат.
Двајцата браќа најпрвин започнале да се расправаат, па во еден момент обвинетиот од џебот извадил нож и му нанел две рани со сечило и три убодни рани во вратот на својот брат.
Како резултат на брзото и обилно крвавење, бил предизвикан недостиг на кислород во мозокот на нападнатиот, па на 5 јануари годинава тој починал.