Шест прочистувачи на воздух денеска доби градинката “Кочо Рацин“ – клон Бели Мугри. Со ова, значително ќе се промени квалитетот на воздухот што го дишат децата за време на престојот во градинката и ќе се намали ризикот за можни заболувања од загадениот воздух.
Донатор и овој пат е Ротари клуб “Камен мост“ – Скопје. Донацијата е овозможена од фирмата “Екотип“, од произведувачот Blue Air од Шведска.
Општина Центар ќе ги опреми сите градинки и училишта со прочистувачи на воздух, бидејќи како што посочи градоначалникот Саша Богдановиќ, здравјето на децата е приоритет, а ова е еден од начините за справување со загадениот воздух.
