Во организација на локалниот клуб на млади на Социјалдемократскиот сојуз на Македонија од Крива Паланка, се одржа традиционалниот streetball турнир „Александар Наковски-Феликс“.
Турнирот се одржа на добро познатата локација, во училишниот двор на основното училиште „Јоаким Крчовски“, зграда Партизан.
На годинашниот традиционален турнир посветен на поранешниот претседател на ОО СДСМ Крива Паланка, Александрар Наковски-Феликс, се одзваа голем број екипи, а првпат досега откако се организира истиот, учество зедоа и три женски тимови кои играа во засебна конкуренција.
На почетокот на турнирот со едноминутно молчење му беше оддадена почит од страна на присутните на Феликс, додека пред официјалниот старт се одигра ревијален натпревар помеѓу екипите на СДСМ и СДММ.
-Турнирот е е традиционален, а веќе пет години со голема почит и респект кон ликот и делото, во чест на Александар, кој воедно и беше голем љубител на кошарката, турнирот го носи неговото име.Оваа година за прв пат имавме и женски екипи кои се натпреваруваа, така што сите на свој начин укажавме чест на големиот Феликс, кој придонесе многу и за културата и за спортот во градот, рече Оливер Стоилковски, претседател на СДММ , Крива Паланка.
Доделени се награди, медали и пехари, ккао и парични награди и ваучери од локалните стопанственици за најуспешните тимови на турнирот.
Првопласирани во женска конкуренција завршија девојките од екипата „Ѕверови“, додека најдобри во категорија мажи беа „Соколи“.