Прес конфереција
Марјанчо Јорданов, Секретар на ОО СДСМ Велес
Велес, 20.04.2017
Почитувани граѓани,
Целосно ги поддржуваме вработените во фабриката „Колска“ кои штрајкуваат поради неисплатени три плати и неплатени придонеси за здравствено и пензиско осигурување.Тие дури вчера зедоа плата за декември, и тоа без платени придонеси.
Ги поддржуваме нивните барања за
Исплата на сите заостанати плати и придонеси
Припојување на Колска кон Македонски железници Транспорт
и оставка на управителот Борис Алчев
Фабриката работи со загуби бидејќи менаџментот и власта во заминување во изминатите 10 години не инвестираа во опрема и во реален развој на производствените капацитети на оваа единствена фабрика овластена за работа со шински возила. Фабриката денеска има и долгови и неплатен данок кон државата, а цената на изработката не ги покрива трошоците.
Ќе има одговорност за сите злоупотреби во фабриката, како и на работничките права!
Недозволиво е Никола Груевски и пратениците од ВМРО-ДПМНЕ да го блокираат Собранието и изборот на новата Влада за заштита на своите криминали, а вработените да се оставени со загрозена егзистенција, дури и без здравствено осигурување.
Мора итно да се избере собраниски претседател и нова реформска Влада, според волјата на граѓаните, за да се исплатат заостанатите плати и да се најде трајно решение за нормално работење на „Колска“.