Согласно со заложбите на Градот Скопје за подобрување на условите во кои учат средношколците и во кои работи наставниот кадар, локалната самоуправа на Град Скопје продолжува со реконструкции во средните училишта.
Во СУГС„Панче Караѓозов“ се заменуваат старите и целосно уништени врати со нови и се реконструира оштетениот под во училиштето.
Во СУГС „Раде Јовчевски-Корчагин“ се врши реконструкција на покривот на училишниот објект.
Во СУГС „Јосип Броз Тито“ се менува дел од старата внатрешна столарија и се поставуваат нови плочки на терасите од училниците.
Во СУГС „Кочо Рацин“ се реконструираат санитарните јазли во фискултурната сала на училиштето.
