По повод 1 април – Светскиот ден на шегата денеска во Крива Паланка беше организирано”Првоаприлско дефиле” под маски.
Насмеани и распеани дечиња донесоа весели звуци на градскиот плоштад во нашиот град, истакна градоначалникот Сашко Митовски.
„Шега и смеа ечеа од сите страни од најмалите жители маскирани: херои, ѕвездички, сонца, спортисти разни, ликови од сказни…“, посочи Митовски.
Митовски упати огромна благодарност до сите дечиња, до нивните родители, до воспитувачите од ОЈУДГ “Детелинка”, наставниците од ООУ”Јоаким Крчовски” и “Илинден” за вложениот труд и соработката, за сите креативни маски што ја збогатија априлијадата, како и до директорите за соработката.
„Нека секој ден е исполнет со насмевки“, нагласи Митовски.